【试玩】韩水摺机Galaxy Folder用落有感情

P稿生活 616浏览 75
【试玩】韩水摺机Galaxy Folder用落有感情

三星Galaxy Folder发布时曾表示不会出口海外,唔少本地摺机fans得个睇字,好彩而家有韩国水机到港,$2,380售价都几进取,应该会吸引一啲以前对摺机有感情、想用特别款手机嘅用家或年青学生转用 。

虽然Galaxy Folder係摺机,本身内置实体数字、拍照、社交平台、开关键,但屏幕支援触屏操作,又有虚拟键盘打字,所以试用期间好快已经惯咗手势直接笃芒、打QWERTY键盘拣相关功能,讲真已经唔太醒起点样用实体键打英文字,亦觉得无咩必要切换至数字键盘输入法,刻意怀旧用实体键打字,但揭机打电话嘅感觉仍然好就手。

机身小巧得可轻易袋落裤袋,着skinny jeans都袋到,而且能轻鬆用单手操作。虽然话个芒得3.8吋,解像度只有480 x 800,但用起嚟唔觉睇得好辛苦,仲估唔到睇网页啲字都几sharp吓。不过,毕竟摺机要摊开机身先睇到片,横向睇片嘅感觉有啲奇怪,而暗少少嘅画质表现已经几flat吓,唔太建议用嚟睇片。

相机整体表现都OK,800万像素影出嚟嘅画质都算几仔细,主镜头喺手握部份嘅中上方位置,如果用惯常揸手机中下方嘅姿势影相,手指有机会遮住镜头,所以揸机时只手要就一就位。而前置镜头都係喺返屏幕上方,用起嚟好自然,无大问题。Galaxy Folder始终唔係旗舰规格,储存空间得8GB,用家买得机嘅话,要预备少少钱买microSD卡扩充容量,否则唔够位储相储片呀。

【试玩】韩水摺机Galaxy Folder用落有感情
◆ Galaxy Folder【试玩】韩水摺机Galaxy Folder用落有感情
◆ 3.8吋屏幕支援触屏操作【试玩】韩水摺机Galaxy Folder用落有感情
◆ 设有实体数字键、相机及社交平台等快捷键【试玩】韩水摺机Galaxy Folder用落有感情
◆ 前置镜头为200万像素【试玩】韩水摺机Galaxy Folder用落有感情
◆ 右侧有3.5mm耳机插口【试玩】韩水摺机Galaxy Folder用落有感情
◆ 音量掣设于左侧【试玩】韩水摺机Galaxy Folder用落有感情
◆ 机底microUSB接口【试玩】韩水摺机Galaxy Folder用落有感情
◆ 后置镜头为800万像素,不设补光灯【试玩】韩水摺机Galaxy Folder用落有感情
◆ 起用可换电设计,电量1,800mAh【试玩】韩水摺机Galaxy Folder用落有感情
◆ 拆出电池后可见SIM卡及microSD卡槽【试玩】韩水摺机Galaxy Folder用落有感情
◆ 跟机有入耳式耳机及USB充电插苏【试玩】韩水摺机Galaxy Folder用落有感情
◆ Galaxy Folder包装盒

【试玩】韩水摺机Galaxy Folder用落有感情
◆ 配备韩水专属T Store app【试玩】韩水摺机Galaxy Folder用落有感情
◆ 内置8GB储存空间,剩低5GB用【试玩】韩水摺机Galaxy Folder用落有感情
◆ 运行Android 5.1.1【试玩】韩水摺机Galaxy Folder用落有感情
◆ 影片拍摄解像度最高为1,080p【试玩】韩水摺机Galaxy Folder用落有感情
◆ 预载相机app提供裁剪、拼贴等基本编辑功能【试玩】韩水摺机Galaxy Folder用落有感情
◆ 网页字体几sharp,不过个芒有点偏蓝【试玩】韩水摺机Galaxy Folder用落有感情
◆ 试睇《自杀特攻:超能暴队》预告片,一样有上下黑bar,但暗位睇落几flat【试玩】韩水摺机Galaxy Folder用落有感情
◆ 相片整体算detail,稍为放大都唔会话好油画feel【试玩】韩水摺机Galaxy Folder用落有感情
◆ 室内试拍分析力不错,油漆、玻璃及金属质感还原度高

Samsung Galaxy Folder基本规格:

网络:GSM、3G、FDD LTE

作业系统:Android 5.1.1

屏幕:3.8吋TFT LCD(480 x 800像素)

处理器:4 x 1.2GHz

记忆体:1.5GB

储存空间:8GB(支援128GB microSD卡)

镜头:800万像(后置)、200万像(前置)

电量:1,800mAh

其他功能:Wi-Fi 802.11 a/b/g/n、蓝牙4.1、GPS

体积:122 x 60.2 x 15.3mm

重量:155g

查询: 三禾电气 (电话: 2374 0618)

定价: $2,380